telugu original

ఆదిదేవ నమస్తుభ్యం ప్రసీద మమ భాస్కర | దివాకర నమస్తుభ్యం ప్రభాకర నమోఽస్తు తే ||

సప్తాశ్వరథారూఢం ప్రచండం కశ్యపాత్మజమ్ | శ్వేతపద్మధరం దేవం తం సూర్యం ప్రణమామ్యహమ్ ||

లోహితం రథమారూఢం సర్వలోకపితామహమ్ | మహాపాపహరం దేవం తం సూర్యం ప్రణమామ్యహమ్ ||

త్రైగుణ్యం చ మహాశూరం బ్రహ్మవిష్ణుమహేశ్వరమ్ | మహాపాపహరం దేవం తం సూర్యం ప్రణమామ్యహమ్ ||

బృంహితం తేజసాం పుంజం వాయుమాకాశమేవ చ | ప్రభుం చ సర్వలోకానాం తం సూర్యం ప్రణమామ్యహమ్ ||

అపుత్రో లభతే పుత్రం దరిద్రో ధనవాన్ భవేత్ | రోగముక్తో భవేద్రోగీ జన్మరోగనివారణమ్ ||

ఆమిషం మధుపానం చ యః కరోతి రవేర్దినే | సప్తజన్మ భవేద్రోగీ జన్మజన్మ దరిద్రతా ||

స్త్రీతైలమధుమాంసాని యస్త్యజేత్తు రవేర్దినే | న రుజా శోకదారిద్ర్యం సూర్యలోకం స గచ్ఛతి ||